Onuradunak:

1. Euskal Autonomia Erkidegoaren eremuan, legez unibertsalak, interes orokorrekoak edo antzeko beste kategoria batekoak diren zerbitzuak egiten dituzten erakunde edo pertsona juridikoak:
   • Komunikazio-sareak ustiatzen dituzten komunikazio-operadoreak, zerbitzu unibertsala ematen dutenak, eta jendearentzako telefono-zerbitzuak ematen dituztenak.
   • Bidaiarien trenbideko edo errepideko garraio publiko erregularreko zerbitzuak ematen dituzten enpresak.
   • Bidaiarien aire-garraioko zerbitzu erregularrak ematen dituzten enpresak, eta aireportuetan errepide asistentzia zerbitzuak ematen dituztenak.
   • Energia elektriko zerbitzua ematen duten banaketa-enpresak.
   • Gas naturala merkaturatzen duten enpresak.
2. Euskal Autonomia Erkidegoan kokatuta dauden jendeari begirako, produktuak saltzeko edo zerbitzuak emateko establezimenduek, baldin eta honako baldintza hauetakoren bat betetzen badute:
   • 250 langiletik gora dituzten enpresetakoak diren establezimenduak izatea, betiere urtean 50 milioi euro baino gehiagoko negozio-bolumena badute, edo haien urteko balantze orokorra 43 milioi eurotik gorakoa bada, edo aurreko baldintza horiek betetzen dituen beste enpresaren batek haien kapitalaren edo boto-eskubideen % 25 edo gehiagoko partaidetza baldin badu.
   • Jendeari salmentak egiteko gunearen azalera 400 metrotik gorakoa duten establezimenduak izatea, elebidunen proportzioa % 33 baino handiagoa duten udalerrietan edo Bilbon, Gasteizen edo Donostian kokatuta badaude.
   • Bezeroarentzako arreta ematen duten plantillako langileak 15 baino gehiago dituzten establezimenduak izatea.
   • Merkataritza-establezimenduak, betiere kolektiboak badira, hau da, esparru edo eraikin beraren barruan hainbat saltoki badaude eta saltoki horietako jarduerak era independentean gauzatzen badira.
   • Euskal Autonomia Erkidegoan jendeari begirako establezimendua duten kreditu-erakundeak, eta Euskal Autonomia Erkidegoan etxebizitzak saldu edo alokatzen dituzten profesional, enpresa edo eraikuntza-obren sustatzaileak.

   Diruz laguntzen diren jarduerak

   Diru-laguntza gai diren jarduerei dagokienez, esan beharra dago Agindu honetako diru-laguntzak 123/2008 Dekretuak ezarritako hizkuntza betebeharrei erantzuteko asmoz garatutako jarduerak finantzatzeko izango direla, bereziki euskaraz eskaintzeko:

   • Jendaurrean jartzeko kartel edo errotuluetan ageri den informazioa —finkoa eta aldakorra—.
   • Jendearen eskura dauden inprimaki edo katalogoak, produktu edo zerbitzu bati edo gehiagori buruzko informazioa ematen badute.
   • Kontsumitzaileek eta erabiltzaileek betetzeko diren inprimakiak.
   • Atxikimendu-kontratuak, ereduzko klausulak dituzten kontratuak, kontratu arautuak, baldintza orokorrak eta horietan guztietan aipatzen diren edo horiei buruzkoa den dokumentazioa.
   • Kontsumitzaileei zuzendutako komunikazio edo jakinarazpenak, baita fakturak edo egindako operazioen ziurtagiriak, aurrekontuak, gordailu-frogagiriak eta antzeko dokumentuak ere.

   Horrez gain, beste jarduera hauek ere diru-laguntza gai izango dira:

   • Bezeroarentzako arreta zerbitzuetan lan egiten duten langileen hizkuntza trebakuntza.
   • 123/2008 Dekretuak ezarritako betebeharren planaren diseinua, inplementazioa, jarraipena eta ebaluazioa.

   Eskabideak aurkezteko epea

   Laguntza-programa arautzen duen agindua 2008ko irailaren 1ean argitaratuko da Euskal Herriko Agintaritzaren Aldizkarian eta hurrengo egunean kontatzen hasita, entitateek hilabeteko epea, iraila osoa, izango dute eskabideak aurkezteko.

   123/2008 Dekretuaren aplikazio eremuko entitateentzako diru-laguntza deialdia arautzen duen AGINDUA (pdf, 162Kb)

   Patxi Baztarrika Rodrigo García Azurmendiren sailburuordeen hitzak (pdf, 125Kb)

   Donostia, 2008-07-30