Hizkuntzei dagokienez Autonomia Estatutua da funtsezko araua. Bertan xedatzen da Autonomia Erkidegoko lurraldean hizkuntza ofizial bi izango direla: euskara eta gaztelania.

Bi hizkuntzen erabilera arautzeko, azaroaren 24ko 10/1982 Oinarrizko Legea onartu zen. Erkidegoko lurraldean kokatuta dauden administrazio guztiei eragiten dien legea da.

Euskararen gaineko araudian nabarmentzekoak dira ere 6/1989 Legea, Euskal Funtzio Publikoari buruzkoa, eta Kontsumitzaileen eta Erabiltzaileen Estatutua arautzen duen 6/2003 Legea.

• Euskal Autonomia Erkidegoko Autonomia Estatutua, abenduaren 18ko 3/1979 Lege Organikoaren bidez onartua.

Estatutuaren 6. artikuluan, Euskal Herriko berezko hizkuntza den euskarari hizkuntza ofizialaren izaera aitortzen zaio gaztelaniarekin batera, herritarrek bi hizkuntza ofizialak ezagutzeko eta erabiltzeko eskubidea dutelarik.

• Azaroaren 24ko 10/1982 Oinarrizko Legeak, Euskararen Erabilpena Arautzekoak, Autonomia Estatutuan xedatutakoa garatzen du.
  
  
• 6/1989 Legea, uztailaren 6koa, Euskal Funtzio Publikoari buruzkoa.
  
  
• Abenduaren 22ko 6/2003 Legea, Kontsumitzaileen eta Erabiltzaileen Estatutuarena.

Aurrekoak euskararen erabilerari eragiten dioten arau orokorrak dira, eta esparru ezberdinetan arau bereziak daude. Honela bereiziko ditugu esparru horiek:

• Administrazio Publikoak

• Hezkuntza

• Komunikabideak

• Osasuna

• Justizia

• Ertzaintza

Euskararen ezagutza egiaztatzeko, ziurtagiri batzuk ditugu:

• Euskara ziurtagiriak