Webgunean irratiak zuzenean entzun daitezke eta programazioari buruzko azken berriak Twitter sarean emango dituzte.

Ipar Euskal Herrian euskaraz aritzen diren irratiak biltzen dituen Euskal Irratiak federazioak www.euskalirratiak.info webgunea jarri du martxan. Federazioa Gure Irratiak, Irulegiko Irratiak, Xiberoko Botzak eta Antxeta Irratiak osatzen dute. Federazioaren webgunean lau irratiak zuzenean entzun ahal dira eta horrez gain, saio eta tarte interesgarrienak edozein momentutan entzuteko aukera eskaintzen du. Ipar Euskal Herriko irratien inguruko informazioa ere bildu du webgune berriak.

Bestalde, programazioari buruzko azken berriak Twitter sarean emango dituzte.